საქართველოს ფოლკლორის „ეროვნული ფესტივალი 2022“
ქალაქ ახალციხეში, მესხეთის სახელმწიფო დრამატულ თეატრში, საქართველოს ფოლკლორის „ეროვნული ფესტივალის 2022“-ის შესარჩევი ტური გაიმართა.
ანზორ ერქომაიშვილის სახელობის ფოლკლორის სახელმწიფო ცენტრის ორგანიზებით დაკომპლექტებულმა სპეციალურმა ჟიურიმ, სამცხე-ჯავახეთის მუნიციპალიტეტების მონაწილეებს მოუსმინა.
შესარჩევ ტურში ახალციხის მუნიციპალიტეტიდან ქორეოგრაფიული, ფოლკლორული და საოჯახო ანსამბლები, ინდივიდუალური შემსრულებლები, ხალხური ზეპირსიტყვიერების, სახვითი და გამოყენებითი ხელოვნების ოსტატები მონაწილეობდნენ.
ფესტივალი ყოველ ხუთ წელში ერთხელ იმართება და მისი მიზანი საქართველოში არსებული ყველა ფოლკლორული ანსამბლის, ინდივიდუალური შემსრულებლის თუ საოჯახო ანსამბლის მოსმენა და აღწერაა. ეროვნული ფესტივალი 2022 კულტურის , სპორტისა და ახალგაზრდობის სამინისტროს მხარდაჭერით იმართება.
ფოლკლორის ეროვნული ფესტივალი ორ ტურად გაიმართება. გალაკონცერტი კი თბილისში შემოდგომაზე იგეგმება.
