ახალციხის მუნიციპალიტეტის მერმა ვარლამ წიკლაურმა არსებულ წრიულებზე სამუშაოების მიმდინარეობის პროცესი დაათვალიერა.

ქალაქ ახალციხეში, 9 აპრილის ქუჩაზე და ახალქალაქის გზატკეცილზე, რუსთაველის და ჯაყელის ქუჩის გადაკვეთაზე მდებარე წრიულებს რეაბილიტაცია უტარდება.

ინფრასტრუქტურული პროექტი ადგილობრივი ბიუჯეტიდან ფინანსდება.

ასევე, კოსტავასა და 9 აპრილის ქუჩებზე არსებულ ხიდებზე დამონტაჟდა ახალი გარე განათება.

სამუშაოების მიმდინარეობის პროცესს მერთან ერთად, ახალციხის მუნიციპალიტეტის საკრებულოს თავმჯდომარის პირველი მოადგილე დავით ტაბატაძე და მერიის შესაბამისი სამსახურების წარმომადგენლები გაეცნენ.