აფხაზური ცენტრის „მესხი ახალგაზრდები ერთობისთვის“ ორგანიზებით გამართული ღონისძიება ქრისტიანობის სახელმწიფო რელიგიად გამოცხადების 1700 წლის იუბილესა და სრულიად საქართველოს კათოლიკოს-პატრიარქის ილია მეორის ხსოვნას მიეძღვნა.

 

ღონისძიების ფარგლებში სტუდენტებმა აუდიტორიას თემატური მოხსენებები და აფხაზური ცენტრის სამომავლო გეგმებიც წარუდგინეს. ასევე, ისაუბრეს ცენტრის ბაზაზე შექმნილი სკოლის მოსწავლეთა ორ ახალ კლუბზეც, რომელთა საქმიანობაში ქალაქ ახალციხის №5 და ასპინძის მუნიციპალიტეტის სოფელ რუსთავის საჯარო სკოლების მოსწავლეები ჩაერთვებიან.

ღონისძიებას ესწრებოდნენ აფხაზეთის ავტონომიური რესპუბლიკის მთავრობის წარმომადგენლები, ახალციხისა და ტაო-კლარჯეთის მიტროპოლიტი მეუფე თეოდორე, სახელმწიფო რწმუნებული სამცხე-ჯავახეთის მხარეში ზაალ გელაშვილი, საკრებულოს თავმჯდომარე საბა კბილაშვილი და სხვა მოწვეული სტუმრები.