მუნიციპალიტეტისა და სამხარეო ადმინისტრაციის ხელმძღვანელმა პირებმა საგანმანათლებლო რესურსცენტრის უფროსთან ხათუნა ხმალაძესთან ახალი სასწავლო წლის დაწყების სამზადისზე ისაუბრეს.

დღეიდან 14 სექტემბრის ჩათვლით, ახალციხის მუნიციპალიტეტში პირველკლასელების მშობლებს სასკოლო ფორმის შეძენა ქალაქ ახალციხის №5 საჯარო სკოლაში და ასევე ონლაინ, სპეციალურად შექმნილ ელექტრონულ პლატფორმაზე formebi.emis.ge -ზე შეეძლებათ.

სასკოლო ფორმების რეალიზაციის პროცესს ასევე, ახალციხის მუნიციპალიტეტის მერის მოადგილე გიორგი მელიქიძე, სახელმწიფო რწმუნებულის მოადგილე ვახტანგ მერაბიშვილი და ქალაქ ახალციხის №5 და №1 საჯარო სკოლების დირექტორები ესწრებოდნენ.

2026-2027 სასწავლო წლიდან საქართველოს ყველა საჯარო სკოლაში 1-ელიდან მე-6 კლასის ჩათვლით მოსწავლეებისთვის სასკოლო ფორმები სავალდებულო იქნება.