გამოფენა ახალციხის მუნიციპალიტეტის მერმა ვარლამ წიკლაურმა, სამცხე-ჯავახეთის სახელმწიფო რწმუნებულ იოსებ ალიბეგაშვილთან და გამოფენის ორგანიზატორთან, სამცხე-ჯავახეთის მხატვართა კავშირის თავმჯდომარე ლელა ფერაძესთან ერთად დაათვალიერა.

ადგილობრივი ხელისუფლების წარმომადგენლებმა მონაწილე მხატვრებსა და გამოფენის ორგანიზატორებს მადლობა გადაუხადეს პროექტის განხორციელებისთვის.

გამოფენაზე წარმოდგენილი იყო ადგილობრივი მხატვრების მიერ შესრულებული ფერწერული ნამუშევრები, მათი თვალით დანახული მესხეთი.

ახალციხის მუნიციპალიტეტის მერიისგან პროექტში მონაწილე მხატვრებს, კულტურისა და ხელოვნების სფეროში შეტანილი წვლილისთვის, მადლობის სიგელები გადაეცათ.

ღონისძიებას ადგილობრივი თვითმმართველობისა და სახელმწიფო რწმუნებულის ადმინისტრაციის, საგანმანათლებლო და კულტურის სფეროს წარმომადგენლები დაესწრნენ.

გამოფენა ახალციხის მუნიციპალიტეტის მერიის მხარდაჭერით გაიმართა.