ვარლამ წიკლაურმა ახალგაზრდებს წარმატებები უსურვა, თანადგომას დაჰპირდა და მადლობა გადაუხადა ქართული ხალხური ტრადიციული სიმღერებით დაინტერესებისა და მათი პოპულარიზაციისათვის. ახალციხის მუნიციპალიტეტის მერიის მხარდაჭერით კი მოსწავლეებს ახალი ფორმები გადაეცათ.

 

შეხვედრას მოსწავლეთა მშობლები და ადგილობრივი ხელისუფლების წარმომადგენლები ესწრებოდნენ.

 

ანზორ ერქომაიშვილის სახელობის ფოლკლორის სახელმწიფო ცენტრის ახალციხის სალოტბარო სკოლა 2020 წლიდან ფუნქციონირებს. ლოტბარი ზაზა თამარაშვილისა და რეგენტი ქეთევან კოპაძის ხელმძღვანელობით სკოლაში 40 მოსწავლე ტრადიციულ ქართულ ხალხურ სიმღერებსა და გალობას ეუფლება. გუნდი საქართველოს მასშტაბით სხვადასხვა სახის ფესტივალებში წარმატებით მონაწილეობს.