„სოფლის მხარდაჭერის პროგრამის“ ფარგლებში ახალციხის მუნიციპალიტეტის სოფელ კლდეში ეკლესიასთან მისასვლელი გზა მოეწყო, მიქელწმინდასა და წირაში კი შიდა საავტომობილო გზებზე ბეტონის საფარი დაიგო.

პროექტები მოსახლეობის გადაწყვეტილებით, დასახლებებში გამართულ საერთო კრებებზე ხმათა უმრავლესობით შეირჩა.

გარდა ამისა, „სოფლის მხარდაჭერის პროგრამით“ საგზაო ინფრასტრუქტურული სამუშაოები მიმდინარეობს სოფლებში – სვირში, ბოგაში, წყრუთში, მინაძეში, ფერსაში, ტყემლანაში, აგარაში, გურკელში, ჯულღაში, წინუბანში, აბათხევში, საძელში, ხაკში, ყულალისში, დიდ პამაჯსა და ორალში, სადაც შიდა საუბნო გზებზე ბეტონის საფარი იგება.