საღამო აწყურის კულტურის სახლში გაიმართა. ანსამბლის წევრებმა, როგორც საკუთარი თანამედროვე რეპერტუარი, ისე ძველი ქართული ხალხური სიმღერები შეასრულეს.

ვარლამ წიკლაურმა ანსამბლის ხელმძღვანელს, ჟუჟუნა კახაძეს მადლობა გადაუხადა ახალგაზრდებში მუსიკის და განსაკუთრებით, ქართული ფოლკლორის სიყვარულის გაღვივებისა და პოპულარიზაციისათვის, წარმატებები უსურვა და მხარდაჭერას დაჰპირდა.

კონცერტს მოსწავლეთა მშობლები, ადგილობრივი თვითმმართველობის, კულტურის სფეროს წარმომადგენლები და მოწვეული სტუმრები ესწრებოდნენ.