სამცხე-ჯავახეთის სახელმწიფო რწმუნებული იოსებ ალიბეგაშვილი, ახალციხის მუნიციპალიტეტის მერთან, ვარლამ წიკლაურთან ერთად, გაერთიანებული წყალმომარაგების კომპანიისა და შპს „უნივერსალ სერვისის“ წარმომადგენლებს შეხვდა.

შეხვედრაზე ახალციხის მუნიციპალიტეტში მიმდინარე ინფრასტრუქტურული პროექტები განიხილეს.

განსაკუთრებული აქცენტი გაკეთდა სამუშაოების დროულად და ხარისხიანად შესრულებაზე. ასევე, საუბარი შეეხო პროექტების განხორციელების პროცესში გამოვლენილი გამოწვევების ოპერატიულად მოგვარებას.

შეხვედრას ახალციხის მუნიციპალიტეტის მერის პირველი მოადგილე ნოდარ ტატალიშვილი და სახელმწიფო რწმუნებულის აპარატის უფროსი ვახტანგ მერაბიშვილი ესწრებოდნენ.