ახალციხის ციხეზე ფესტივალი საგამოფენო და ინტერაქციული სივრცეების გახსნით დაიწყო. სტუმრებს შესაძლებლობა ჰქონდათ მრავალფეროვანი სამეცნიერო პავილიონები დაეთვალიერებინათ, გაცნობოდნენ თანამედროვე კვლევებსა და ინოვაციურ ტექნოლოგიებს, ასევე მონაწილეობა მიეღოთ პრაქტიკულ-საგანმანათლებლო აქტივობებში.

ფესტივალის ფარგლებში წარმოდგენილი იყო ქიმიური ექსპერიმენტების შოუ, ბიომედიცინის ექსპოზიციები, მიკროსკოპული დაკვირვებები, ასტროფიზიკური კვლევები და მზეზე ტელესკოპით დაკვირვება, ბირთვული ინჟინერიისა და STEM მიმართულების სამეცნიერო-საინჟინრო ექსპოზიციები, კლინიკური უნარებისა და პირველადი დახმარების დემონსტრაციები და სხვა აქტივობები.

სამეცნიერო ფესტივალი სამცხე-ჯავახეთის სახელმწიფო უნივერსიტეტის ორგანიზებითა და საქართველოს განათლების, მეცნიერებისა და ახალგაზრდობის სამინისტროს მხარდაჭერით გაიმართა. მასში საქართველოს სხვადასხვა უნივერსიტეტები, სამეცნიერო-კვლევითი დაწესებულებები, პროფესორ-მასწავლებლები, მკვლევარები, სტუდენტები და სამცხე-ჯავახეთის ექვსივე მუნიციპალიტეტის საჯარო სკოლების მოსწავლეები მონაწილეობდნენ.

ფესტივალის მიზანია მეცნიერების პოპულარიზაცია, ახალგაზრდებში სამეცნიერო- კვლევითი საქმიანობისადმი ინტერესის გაღვივება, ინოვაციური მიდგომებისა და

თანამედროვე ტექნოლოგიების გაცნობა, ასევე, საგანმანათლებლო და სამეცნიერო დაწესებულებებს შორის თანამშრომლობის გაძლიერება.

ღონისძიებას სამცხე-ჯავახეთის სახელმწიფო რწმუნებულის მოადგილეები – სერგი მუშკუდიანი და ვახტანგ მერაბიშვილი, სამცხე-ჯავახეთის სახელმწიფო უნივერსიტეტის რექტორი ვახტანგ თაქთაქიძე, მხარის მუნიციპალიტეტების მერები და საკრებულოს თავმჯდომარეები, საგანმანათლებლო და სამეცნიერო დაწესებულებების წარმომადგენლები დაესწრნენ