ახალციხის მუნიციპალიტეტის მერი ვარლამ წიკლაური, საქართველოს პარლამენტის დეპუტატთან ანტონ ობოლაშვილთან, სახელმწიფო რწმუნებულის პირველ მოადგილესთან გიორგი ქოჩიაშვილთან, საკრებულოს თავმჯდომარე საბა კბილაშვილთან და მერის მოადგილეებთან ერთად საქართველოს სპორტის მინისტრს, შალვა გოგოლაძეს შეხვდა.

სპორტის მინისტრმა ქალაქ ახალციხეში მდებარე თანამედროვე სტანდარტების სპორტულ კომპლექსსა და სპორტულ დარბაზს საჭირო სპორტული ინვენტარი და ეკიპირება გადასცა. ინვენტარი და ეკიპირება მწვრთნელებისა და სპორტსმენების საჭიროებების გათვალისწინებით შეირჩა.

მინისტრმა მოინახულა და ადგილზე გაეცნო საკალათბურთო დარბაზის ინფრასტრუქტურის მოწყობის პროცესს.