ახალციხის მუნიციპალიტეტის მერი ვარლამ წიკლაური სუპერლიგის მესამე შეხვედრას დაესწრო, სადაც ერთმანეთს ახალციხის საკალათბურთო გუნდი „ახალციხე” და გორის „ივერიონი“ დაუპირისპირდა.

თამაში საკუთარ მოედანზე ახალციხის გუნდის გამარჯვებით, ანგარიშით 78:74 დასრულდა.

ვარლამ წიკლაურმა ახალციხის გუნდს გამარჯვება მიულოცა და მომავალ თამაშებში წარმატებები უსურვა.

მატჩს საქართველოს პარლამენტის დეპუტატი ანტონ ობოლაშვილი, სამცხე-ჯავახეთის სახელმწიფო რწმუნებული იოსებ ალიბეგაშვილი, საკრებულოს თავმჯდომარე საბა კბილაშვილი და ადგილობრივი თვითმმართველობის წარმომადგენლები დაესწრნენ.