თამარაშვილის ქუჩაზე გზის რეაბილიტაცია მიმდინარეობს
ახალციხის მუნიციპალიტეტში საგზაო ინფრასტრუქტურის მოწესრიგება გრძელდება.
ქალაქ ახალციხეში, თამარაშვილის ქუჩაზე არსებული გზის სარეაბილიტაციო სამუშაოები აქტიურ რეჟიმში მიმდინარეობს.
პროექტის ფარგლებში საავტომობილო გზის 619 მეტრიან მონაკვეთზე ცემენტო-ბეტონის საფარი იგება, ეწყობა მონოლითური რკინა-ბეტონის კიუვეტები, მიერთებები და ეზოებში შესასვლელები.
საავტომობილო გზის სარეაბილიტაციო სამუშაოები ადგილობრივი ბიუჯეტიდან გამოყოფილი თანხით ფინანსდება.
