ვალეში ექიმი-ოფთალმოლოგის უფასო კონსულტაცია გაიმართა
ვალეში, ჯანმრთელობის სახლის შენობაში, ექიმი-ოფთალმოლოგის უფასო კონსულტაცია გაიმართა.
უფასო აქცია თვალის მიკროქირურგიის ჯავრიშვილის კლინიკა „ოფთალმიჯმა“ სამცხე-ჯავახეთის სამხარეო ადმინისტრაციისა და ახალციხის მუნიციპალიტეტის მერიის ხელშეწყობით განახორციელა.
აქციის მიზანი იყო, კატარაქტით დაავადებული პაციენტების გამოვლენა და შემდგომ საყოველთაო დაზღვევის ფარგლებში მათი ქირურგიული მკურნალობა უახლესი ფაკოემულსიფიკაციის (უნაკერო) მეთოდით.