ქალაქ ახალციხეში, იაძის ქუჩაზე, №4 საბავშვო ბაგა-ბაღის მშენებლობა დაიწყო.

პროექტის ფარგლებში, თანამედროვე სტანდარტებზე გათვლილი ორსართულიანი შენობა აშენდება. მოეწყობა საბავშვო ჯგუფების ოთახები, საძინებლები, დარბაზი, სამზარეულო და სველი წერტილები. ასევე, დაგეგმილია საბავშვო ბაღის ეზოს კეთილმოწყობა გასართობი სივრცეებით, ფანჩატურებითა და საჭირო ინფრასტრუქტურით.

ამ ეტაპზე, აქტიურად მიმდინარეობს ბაღის შენობის საძირკველის მოწყობის სამუშაოები.

პროექტი რეგიონებში განსახორციელებელი პროექტების ფონდიდან და ადგილობრივი ბიუჯეტიდან 1 653 470 ლარით ფინანსდება.

საბავშვო ბაგა-ბაღი 100 აღსაზრდელზეა გათვლილი.