მუნიციპალიტეტში გარე განათების სისტემების მოწყობა გრძელდება
ქალაქ ახალციხესა და მუნიციპალიტეტის სოფლებში გარე განათების სისტემების მოწყობა გრძელდება.
პროექტის ფარგლებში ახალი გარე განათება ეწყობა სოფლებში - აწყური, სხვილისი, წყალთბილა, ნაოხრები, ასევე ქალაქ ახალციხეში ვაჟა-ფშაველას, ჯავახიშვილისა და თაყაიშვილის ქუჩებზე.
ამ დროისთვის სამუშაოები აქტიურად მიმდინარეობს სოფელ აწყურში, რომლის დასრულების შემდეგ ადგილობრივებს ღამის საათებში უსაფრთხოდ გადაადგილების საშუალება ექნებათ.
პროექტი ადგილობრივი ბიუჯეტიდან 110 543 ლარით ფინანსდება.