ქალაქ ახალციხეში და მუნიციპალიტეტის ადმინისტრაციულ ერთეულებში გარე გამოყენების ფიტნეს ტრენაჟორების მონტაჟი გრძელდება.

ფიტნეს ტრენაჟორები კიდევ რვა ლოკაციაზე განთავსდა. მოსახლეობას უკვე შეუძლია ახალი ტრენაჟორებით ისარგებლოს ტბის მიმდებარედ, 9 აპრილზე 9 სართულიანი კორპუსის ეზოში არსებულ სკვერში, კოსტავას ქუჩაზე ქ. №165-179 (ე.წ. ხუთსართულიანები) კორპუსებს შორის , მიქუტიშვილის ქუჩაზე, ცენტრალურ სტადიონზე, საბარგო სადგურზე, ქალაქ ვალისა და სოფელ აწყურის კულტურის სახლის ეზოებში.

ახალციხის მუნიციპალიტეტში ამ დროისათვის, ჯამში 12 გარე გამოყენების ფიტნეს ტრენაჟორია განთავსებული.