ახალციხეში ტყის დაცვის დღე აღინიშნა
21 მარტი ტყის საერთაშორისო დღეა.
აღნიშნულ დღესთან დაკავშირებით ახალციხის N1 საბავშვო ბაგა- ბაღში გამწვანების აქცია გაიმართა.
ღონისძიებას სამცხე-ჯავახეთის მხარეში სახელმწიფო რწმუნებული ბესიკ ამირანაშვილი, ახალციხის მუნიციპალიტეტის მერი ზაზა მელიქიძე, სამხარეო ადმინისტრაციისა და ადგილობრივი ხელისუფლების წარმომადგენლები შეუერთდნენ. მათ პატარებთან ერთად საბავშვო ბაგა-ბაღის ეზოში ფიჭვის ნერგები დარგეს.
21 მარტი ტყის საერთაშორისო დღედ გაეროს გენერალურმა ასამბლეამ აღიარა. ამ დღის აღნიშვნის მიზანია საზოგადოების ცნობიერების ამაღლება ტყის დაცვისა და მნიშვნელობის შესახებ.