„სოფლის მხარდაჭერის პროგრამის“ ფარგლებში, საპროექტო წინადადებების შესარჩევად საერთო კრებები და კონსულტაცია კიდევ  ხუთ სოფელში ჩატარდა.

წინუბნის, აბათხევის, ჯულღის, წყალთბილისა და ნაოხრების მოსახლეობამ ხმათა უმრავლესობით შემდეგი საპროექტო წინადადებები შეარჩიეს:

▫სოფელი წინუბანი - შიდა გზების რეაბილიტაცია;

▫სოფელი აბათხევი - გარე განათების გაგრძელება;

▫სოფელი ჯულღა - არსებული ხიდის რეაბილიტაცია;

▫სოფელი წყალთბილა - შიდა გზების რეაბილიტაცია;

▫სოფელი ნაოხრები -სკვერის მოწყობა;

სოფლის მხარდაჭერის პროგრამით, მუნიციპალიტეტში მცირე ინფრასტრუქტურული პროექტები დაფინანსდება.

პროექტების შერჩევა 2019 წლის 1 მარტამდე უნდა მოხდეს.

მოსახლეობის მიერ შერჩეული პროექტები დასამტკიცებლად ახალციხის მუნიციპალიტეტის საკრებულოს წარედგინება.